Definitiones
1 -
Punctum est, cuius pars nulla est.
índex
2 - Linea autem sine latitudine longitudo.
índex
3 - Lineae autem extrema puncta.
4 - Recta linea est, quaecunque es aequo punctis in ea sitis iacet.
5 - Superficies autem est, quod longitudinem et latitudinem solum habet.
6 - Superficiei autem extrema lineae sunt.
7 - Plana superficies est, quaecunque ex aequo rectis in ea sitis iacet.
8 - Planus autem angulus est duabus lineis in plano se tangentibus nec in
eadem recta positis alterius lineae ad alteram inclinatio.
índex
9 - Ubi uero lineae angulum continentes rectae sunt, rectilineus
adpellatur angulus.
índex
10 - Ubi uero recta super rectam lineam erecta angulos deinceps positos
inter se aequales efficit, rectus est uterque angulus aequalis, et recta
linea erecta perpendicularis adpellatur ad eam, super quam erecta est.
índex
11 - Obtusus angulus est, qui maior est recto.
índex
12 - Acutus uero, qui minor est recto.
13 - Terminus est. quod alicuius rei extremum est.
14 - Figura est, quod aliquo uel aliquibus terminis comprehenditur.
15 - Circulus est figura plana una linea comprehensa, ad quam quae ab uno
puncto intra figuram posito educuntur rectae omnes aequales sunt.
índex
16 - Centrum autem circuli punctum illud adpellatur.
índex
17 - Diametrus autem circuli recta quaedam est linea per centrum ducta et
terminata utrimque ambitu circuli, quae quidem linea circulum in duas
partes aequales diuidit.
índex
18 - Semicirculus autem ea est figura, quae diametro et arcu ab ea absciso
comprehenditur. centrum uero semicirculi idem est, quod ipsius est circuli.
índex
19 - Figurae rectilineae sunt, quae rectis lineis comprehenduntur,
trilaterae quae tribus, quadrilaterae quae quattuor, multilaterae quae
plus quam quattuor rectis comprehenduntur.
índex
20 - Ex firguris autem trilateris aequilaterus triangulus est, qui tria
latera sua aequalia habet, aequicrurius uero, qui duo sola aequalia habet,
scalenus autem, qui tria latera sua inaequalia habet.
índex
21 - Praeterea uero es figuris trilateris rectangelus triangulus est, qui
rectum angulum habet, obtusiangulus, qui obtusum habet, acutiangulus autem,
qui tres angulos suos acutos habet.
índex
22 - Ex quadrilateris autem figuris quadratum est, quod simul aequilaterum
est et rectangulum, parte altera longius est, quod rectangulum est neque
uero aequilaterum. rhombus autem, quod aequilaterum est neque uero
rectangulum, rhomboides autem, quod latera simul et angulos inter se
opposita aequalia habet, sed neque aequilaterum est neque rectangulum;
reliqua autem praeter haec quadrilatera trapezia adpellentur.
índex
23 - Parallelae sunt lineae, quae in eodem plano positae et in utramque
partem productae in infinitum in neutra parte concurrunt.
índex
Postulata
1 - Postuletur, ut a quouis puncto ad quodius punctum recta linea ducatur.
índex
2 - Et ut recta linea terminata in directum educatur in continuum.
índex
3 - Et ut quouis centro radioque circulus describatur.
índex
4 - Et omnes rectos angulos inter se aequales esse.
índex
5 - Et, si in duas lineas rectas recta incidens angulos interiores et ad
eandem partem duobus rectis minores effecerit, rectas illas in infinitum
productas concurrere ad eandem partem, in qua sint anguli duobus rectis
minores.
índex
Communes
animi conceptiones
1 - Quae eidem aequalia sunt, etiam inter se aequalia sunt.
2 - Et, si aequalibus awqualia adduntur, tota aequalia sunt.
3 - Et, si ab aequalibus aequalia subtrahuntur, reliqua sunt aequalia.
4 - Et quae inter se congruunt, aequalia sunt.
5 - Et totum parte maius est.
